وتدري ايش اللي يجبر البنت للشين :؟؟

تدري ايش اللي يجبر البنت للشين ..؟؟
سياسة العنف ,,العمى بالتعامل

والقمع في حرية الفكر تلقين
ومقارنة نقص العقل ضد كامل

وممارسة اخطاء ضد القوانين
نتاجها محزن ,,ومبكي ,, وشامل

رفقا بهن لانزيد في بلة الطين
رفقا بهن لانزيد حمق وتحامل

لنرفع شعار التعامل مع اللين
واللين في {نفسية} البنت عامل

حتى بقضيه{تكملة نصف هالدين}
ممنوع تجبر البنت في رأي صامل ..!

لها اختيار ورأي من بين قوسين
وعطها الأحقيه ..وحذرا تجامل

أما في مسألة اجبار بالغصب روحين
ياخي ترا الدنيا شعور وتكامل

شف كم قضية حاصله وابكت العين
سبة فكر رجعي وسافل وهامل ..!!

واللي يزيد الجرح ويصير جرحين :
عروس عاشت تحت بند الأرامل ..!

عاشت تحت عنف وتحطم وتوطين
وشعور قاسي بالألم وهي حامل ..!

سسسحقا لبعض افكاركم ياسخيفين
الى متى في بعض الأفكار نأمل ؟؟؟؟